Mugimendua

4.7

Mugimendua

4.7

Bagara

Bagara

2015. urteko irailean, Nazio Batuen Batzar Nagusian, estatu kide guztiek onetsi zuten 2030 Agenda. Agendan bildutako 17 helburuen artean, laugarrenak hezkuntza. du ardatz. Eta, haren barruan, honako hau ezartzen du 4.7. xedeak

“ikasle guztiek garapen jasangarria sustatzeko beharrezkoak diren ezagutza teorikoak eta praktikoak eskuratzen dituztela ziurtatzea, besteak beste, hezkuntzaren bidez honako hauek sustatzeko: garapen jasangarria eta bizimodu jasangarriak, giza eskubideak, genero‐berdintasuna, bakearen eta indarkeriarik ezaren kultura, munduko herritartasuna eta kultura‐aniztasunaren balorazioa, eta kulturak garapen jasangarriari egin diezaiokeen ekarpena”.

Helburu hori errealitate bihurtzeko asmoz, eta pertsona guztiek mundu justu eta jasangarri baten alde lan egitea ahalbidetuko dien kalitateko hezkuntza jaso dezatela ziurtatzeko, 4.7 Mugimendua jaio da. Askotariko planteamendu eta proposamenen bidez, 4.7 xedea garapen jasangarria eta pertsona guztientzat ekitatiboa lortzeko funtsezko ardatzen artean kokatzeko lan egin nahi duten erakunde, instituzio, talde eta norbanako guztiei irekitako espazio bat da mugimendu hori.

4.7 Mugimendua eraikitze-prozesuan dago.

2030 agendako 4.7 helburua lortzen lagundu nahi duzu?

Bide-orria

Bide-orria

Zer urrats egin nahi ditugu 4.7 Mugimendua errealitate bihur dadin?

1 · Konektatu

Prozesuari ekiteko, taldeko hausnarketa bat sustatu behar dugu, eta 4.7 xedea hezkuntza-sisteman txertatzeko lankidetza-ibilbideak sortu. Ildo horretan, funtsezko momentuetako bat da “GJHen 4.7 xedea lortzeko lanean” topaketa birtuala.

2 · Sakondu

Bigarren urratsa mugimenduaren ekintza bideratuko duen lankidetza-estrategia bat prestatzea eta aberastea izango da. Horretarako, entitate sustatzaileen eta prozesuarekin bat egin nahi duten erakunde, instituzio eta taldeen arteko bilerak antolatuko ditugu.

3 · Eraiki

Bileren, topaketen eta elkarlanerako beste bide batzuen bitartez, mugimenduaren helburuak zehaztuko ditugu, interes-arloen arabera banatuta. Gainera, manifestu bat egingo dugu 4.7 xedea lortzeko bidean aurrera nola egin nahi dugun ezagutarazteko.

4 · Proposatu

Prozesuan mugimenduarentzat zehaztutako lerro estrategikoak abian jarriko ditugu, azken batean 4.7 xedea lortzeko asmoz. Erakunde, instituzio eta talde bakoitzak bere eskarmentuaren, ezagutzen eta ahalbideen arabera egingo du ekarpena. Garrantzitsuena bat egitea da.

Hitz egingo al dugu?

Hitz egingo al dugu?

Zure erakundeak edo kolektiboak Mugimenduan parte hartu nahi badu edo Mugimenduari buruzko galderarik baduzu, idatz iezaguzu. Ahalik eta lasterren erantzungo dizugu.

    Pribatutasun Politika irakurri dut eta onartzen dut.


    Datuak Babesteari buruzko abenduaren 13ko 15/1999 Lege Organikoa betez, jakinarazten dizugu zuk emandako informazioa borondatezkoa dela, eta haren helburu bakarra dela gure fitxategietan sartzea, dagokion inprimakian adierazitako zerbitzuak bete ahal izateko. Fitxategi horietara sartu, datuak zuzendu, ezeztatu edo tratatzearen aurka egin nahi baduzu, gurekin harremanetan jar zaitezke.

    Sustatzaileak:
    Laguntzailea: